🟥 ବଡ଼ ଖବର | Korei News Network (KNN)
ବନ୍ୟା ପରିସ୍ଥିତି ପାଇଁ ଯାଜପୁର ଜିଲ୍ଲାର ସମସ୍ତ ସ୍କୁଲ୍ ଦୁଇ ଦିନ ବନ୍ଦ
୩୧ ଜୁଲାଇ ଓ ୧ ଅଗଷ୍ଟରେ ପାଠପଢ଼ା ସମ୍ପୂର୍ଣ୍ଣ ବନ୍ଦ
ଯାଜପୁର: ବୈତରଣୀ ଓ ବ୍ରାହ୍ମଣୀ ନଦୀରେ ବଢ଼ୁଥିବା ବନ୍ୟା ପରିସ୍ଥିତି ଏବଂ ଲଗାଣ ବର୍ଷାକୁ ଦୃଷ୍ଟିରେ ରଖି ଯାଜପୁର ଜିଲ୍ଲାର ସମସ୍ତ ସ୍କୁଲ୍କୁ ୨ ଦିନ ପାଇଁ ବନ୍ଦ ରଖିବାକୁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି।
ଜିଲ୍ଲାପାଳ ଓ ଜିଲ୍ଲା ମାଜିଷ୍ଟ୍ରେଟଙ୍କ ନିର୍ଦ୍ଦେଶ ଅନୁସାରେ ୨୦୨୬ ଜୁଲାଇ ୩୧ (ଶୁକ୍ରବାର) ଏବଂ ଅଗଷ୍ଟ ୧ (ଶନିବାର) ଜିଲ୍ଲାର ସମସ୍ତ ସରକାରୀ, ସରକାରୀ ଅନୁଦାନପ୍ରାପ୍ତ, ବେସରକାରୀ ବିଦ୍ୟାଳୟ, OAV ଓ ଉଚ୍ଚମାଧ୍ୟମିକ ବିଦ୍ୟାଳୟରେ ପାଠପଢ଼ା ବନ୍ଦ ରହିବ।
ଛାତ୍ରଛାତ୍ରୀଙ୍କ ସୁରକ୍ଷାକୁ ସର୍ବାଧିକ ପ୍ରାଥମିକତା ଦେଇ ଏହି ନିଷ୍ପତ୍ତି ନିଆଯାଇଥିବାବେଳେ, ଅଭିଭାବକମାନଙ୍କୁ ପିଲାମାନଙ୍କୁ ନଦୀ, ନାଳ ଓ ଜଳବନ୍ଦୀ ଅଞ୍ଚଳକୁ ଯିବାକୁ ନଦେବା ପାଇଁ ପ୍ରଶାସନ ପରାମର୍ଶ ଦେଇଛି।
ଜିଲ୍ଲା ପ୍ରଶାସନ ସମସ୍ତଙ୍କୁ କେବଳ ସରକାରୀ ସୂଚନା ଉପରେ ବିଶ୍ୱାସ କରିବା ଏବଂ ବନ୍ୟା ପରିସ୍ଥିତି ସମୟରେ ସତର୍କ ରହିବାକୁ ଅନୁରୋଧ କରିଛି।
📰 Korei News Network (KNN)
“କୋରେଇର କଥା, ଲୋକଙ୍କ ସ୍ୱର”
Image Source :- Social Media
