🟥 ଜରୁରୀ ସୂଚନା | Korei News Network (KNN)
ବୈତରଣୀ ଓ କାଣୀ ନଦୀରେ ବଢ଼ୁଛି ବନ୍ୟାଜଳ
ଦଶରଥପୁର ବ୍ଲକର ସମ୍ଭାବ୍ୟ ପ୍ରଭାବିତ ଅଞ୍ଚଳବାସୀଙ୍କୁ ପ୍ରଶାସନର ସତର୍କ ସୂଚନା
ଯାଜପୁର: ଲଗାଣ ବର୍ଷା ପ୍ରଭାବରେ ବୈତରଣୀ ଓ କାଣୀ ନଦୀରେ ବନ୍ୟାଜଳର ସ୍ତର କ୍ରମାଗତ ଭାବେ ବୃଦ୍ଧି ପାଉଛି। ଜିଲ୍ଲା ପ୍ରଶାସନର ସୂଚନା ଅନୁସାରେ, ଆଜି ରାତି ସୁଦ୍ଧା ବନ୍ୟାଜଳ ଦଶରଥପୁର ବ୍ଲକର କେତେକ ସମ୍ଭାବ୍ୟ ପ୍ରଭାବିତ ଅଞ୍ଚଳରେ ପହଞ୍ଚିପାରେ।
ଏହି ପରିସ୍ଥିତିକୁ ଦୃଷ୍ଟିରେ ରଖି ଦଶରଥପୁର ବ୍ଲକର ବିଭିନ୍ନ ପଞ୍ଚାୟତରେ ଡାକବାଜି ଯନ୍ତ୍ର ମାଧ୍ୟମରେ ସଚେତନତା ପ୍ରଚାର ଆରମ୍ଭ କରାଯାଇଛି। ବନ୍ୟା ସମ୍ଭାବନା ଥିବା ଅଞ୍ଚଳରେ ବସବାସ କରୁଥିବା ଲୋକଙ୍କୁ ସତର୍କ ରହିବାକୁ ଓ ପ୍ରଶାସନର ନିର୍ଦ୍ଦେଶ ମାନିବାକୁ ଅନୁରୋଧ କରାଯାଇଛି।
ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି ଯେ, ଆବଶ୍ୟକ ପଡ଼ିଲେ ବିଳମ୍ବ ନକରି ନିକଟସ୍ଥ ସୁରକ୍ଷିତ ଆଶ୍ରୟସ୍ଥଳୀକୁ ସ୍ଥାନାନ୍ତରିତ ହୁଅନ୍ତୁ। ଅଫବାହରେ ବିଶ୍ୱାସ ନକରି କେବଳ ସରକାରୀ ସୂଚନାକୁ ଅନୁସରଣ କରିବାକୁ ମଧ୍ୟ ଅନୁରୋଧ କରାଯାଇଛି।
ବନ୍ୟା ପରିସ୍ଥିତିକୁ ମୁକାବିଲା ପାଇଁ ଜିଲ୍ଲା ପ୍ରଶାସନ, ଅଗ୍ନିଶମ ବାହିନୀ ଓ ଓଡ୍ରାଫ୍ ଟିମ୍କୁ ସଜାଗ ରଖାଯାଇଛି। ଲୋକମାନେ ଅନାବଶ୍ୟକ ଭାବେ ନଦୀକୂଳକୁ ନଯିବା ଏବଂ ପିଲାମାନଙ୍କୁ ସୁରକ୍ଷିତ ରଖିବାକୁ ମଧ୍ୟ ପରାମର୍ଶ ଦିଆଯାଇଛି।
⚠️ ଜନସାଧାରଣଙ୍କ ପାଇଁ ପରାମର୍ଶ:
- ସତର୍କ ଓ ସଜାଗ ରୁହନ୍ତୁ।
- ପ୍ରଶାସନର ନିର୍ଦ୍ଦେଶ ତୁରନ୍ତ ପାଳନ କରନ୍ତୁ।
- ଆବଶ୍ୟକ ପଡ଼ିଲେ ସୁରକ୍ଷିତ ଆଶ୍ରୟସ୍ଥଳୀକୁ ଯାଆନ୍ତୁ।
- କେବଳ ସରକାରୀ ସୂଚନା ଉପରେ ବିଶ୍ୱାସ କରନ୍ତୁ।
📰 Korei News Network (KNN)
“କୋରେଇର କଥା, ଲୋକଙ୍କ ସ୍ୱର”
